ஜல்லிக்கட்டுப் போராட்டத்தில் அரசியல் வேண்டாம்: மாணவர்களிடம் கூறிய போலீஸ் அதிகாரிக்கு சிக்கல்

ஜல்லிக்கட்டுப் போராட்டத்தில் அரசியல் வேண்டாம்: மாணவர்களிடம் கூறிய போலீஸ் அதிகாரிக்கு சிக்கல்

NEWS Unknown   Wednesday, February 01, 2017

சென்னை:
தமிழகத்தில் இந்தாண்டு ஜல்லிக்கட்டு நடத்தப்பட வேண்டும் என்பதற்காக, பல்வேறுவிதமான மல்லுக்கட்டு நடந்தது. மாணவர்கள்; இளைஞர்கள் எழுச்சியுடன் கிளம்பி வந்து, சென்னை, மெரினா கடற்கரையில் போராட்டம் நடத்தி, உலகத் தமிழர்களை தங்கள் பக்கம் திரும்பிப் பார்க்க வைத்தனர். இதையடுத்து, தமிழக அரசு, ஜல்லிக்கட்டு போட்டி நடத்துவதற்கு சிறப்பு அவசர சட்டத்தை இயற்றியது. ஆனாலும், அது போதாது என மாணவர்கள் கொடிபிடிக்க, பொறுமை இழந்த காவல்துறை, அவர்களுக்கு எதிராக லத்தியை சுழற்றியது.இந்த விவகாரத்தில், சென்னை, மயிலாப்பூர் காவல்துறை துணை ஆணையராக இருக்கும் பாலகிருஷ்ணன், தேவையில்லாமல் சிக்கிக் கொண்டு தவிக்கிறார். அவரை அரசியலுக்குள் நுழைத்து, எதிர்கட்சியான தி.மு.க., வம்பு செய்வதாக, காவல்துறை வட்டாரங்கள் தெரிவிக்கின்றன.

அவ்வட்டாரங்கள் மேலும் கூறியதாவது:

ஜல்லிக்கட்டுப் போராட்டம் நடந்த மெரினா கடற்கரை, மயிலாப்பூர் சரக காவல் எல்லைக்குள் வருகிறது. அதனால், துவக்கம் தொட்டு, இப்பிரச்னை விசுவரூபமெடுத்து, அரசுக்கு சிக்கல் ஏற்பட்டு விடக்கூடாது என்பதில், மயிலாப்பூர் துணை ஆணையர் பாலகிருஷ்ணன், ஆர்வமாக இருந்து செயல்பட்டார்.
போராட்டம் நடந்த ஆறு நாட்களும், அவர், பெரும்பாலான நேரம், சென்னை, மெரினா கடற்கரையில்தான் இருந்தார். மாணவர்களோடும்; இளைஞர்களோடும் தொடர்ந்து பேச்சுவார்த்தை நடத்திக் கொண்டே இருந்தார். தமிழக அரசும்; மத்திய அரசும் ஜல்லிக்கட்டு போட்டிகளை நடத்துவதற்கு எடுக்கும் அத்தனை முயற்சிகளையும் பட்டியல் போட்டுச் சொல்லி, போராட்டக் களத்தில் இருந்து மாணவர்களை கலைந்து செல்லும் முயற்சியில் ஈடுபட்டிருந்தார்.

மாணவர்களிடம் கரிசனம்:

ஆறு நாட்களுக்குப் பின், ஜல்லிக்கட்டுப் போட்டியை நடத்த இருந்த தடை நீக்கப்பட்டப்பின்னும், மாணவர்கள், மெரினாவில் இருந்து கலைந்து செல்ல மறுக்க, போலீஸ் உயரதிகாரிகள், அங்கு குவிந்து, அவர்களை விரட்டி அடிக்க முயன்றனர். அப்போது கூட, துணை ஆணையர், மாணவர்கள் மீது எவ்வித கடும் நடவடிக்கையும் வேண்டாம் என்று கேட்டுக் கொண்டார். இருந்தும், வன்முறையாளர்கள் சிலர், மாணவர்கள்; இளைஞர்களோடு ஊடுருவி, போலீசையும், பொதுமக்களையும் தாக்க, பிரச்னை வேறு திசை நோக்கி பயணிக்க ஆரம்பித்தது. போலீசுக்கு வேறு வழி தெரியவில்லை. போராட்டக்காரர்களை நோக்கி, லத்தியை சுழற்றியது.இந்நிலையில், அடுத்து நடக்கவிருந்த குடியரசு தின விழாவை சீர்குலைக்கத் திட்டமிட்டு, சில சமூக விரோதிகள், மாணவர் போராட்டத்தை நிறுத்தவிடாமல் செய்ததாக, அரசுக்கு ஆதாரப்பூர்வமாக கிடைத்த தகவலை வைத்தே, மாணவர்களையும்; இளைஞர்களையும், மெரினாவில் இருந்து போலீசார் விரட்டி அடித்தனர்.

எதிர் கருத்து:

இருந்தபோதும், இந்த பிரச்னைக்கு காரணமானவர்கள் குறித்து கருத்து தெரிவித்த முதல்வர் பன்னீர்செல்வம், மாணவர்கள் போராட்டம் மூலமாக, குடியரசு தின விழாவை சீர்குலைக்க, சிலர் முயன்றனர். அந்த முயற்சியை முறியடிக்கவே, தமிழக காவல்துறை நடவடிக்கை எடுக்க வேண்டியானது என சட்டசபையில் கூறினார். ஆனால், ஊடகங்களுக்கு பேட்டியளித்த துணை கமிஷனர் பாலகிருஷ்ணன், இந்த கருத்து நேர் எதிரான கருத்துக்களை கூறினார். மாணவர்கள் போராட்டம் மூலமாக, குடியரசு தின விழாவை சீர்குலைக்க யாரும் முயற்சித்தனர் என போலீசுக்கு எவ்வித தகவலும் இல்லை என கூறினார்.
இதனால், முதல்வர் பன்னீர்செல்வம் கருத்துக்கு எதிரான கருத்தை பாலகிருஷ்ணன் கூறியதாக, அரசியல் வட்டாரங்களில் பரபரப்பு கிளம்பியது. ஏற்கனவே, மாணவர்கள் போராடிய போது, அவர்களிடம் பேசிக் கொண்டிருந்த துணை கமிஷனர் பாலகிருஷ்ணன், இந்த விவகாரத்தில் எந்த அரசியல் தலையீடுகளும் இல்லாமல் பார்த்துக் கொள்ளுங்கள் என அழுத்தி அழுத்தி கூறியிருந்தார். இந்த விவரங்கள் எதிர்கட்சித் தலைவர் ஸ்டாலினுக்கு வந்தது. இருந்தும், அதை புறக்கணித்து விட்டு, மாணவர்கள் போராட்டத்துக்கு ஆதரவளிக்க நேரில் சென்றார். ஆனால், அதை அவர்கள் ஏற்கவில்லை.

இதற்கு காரணமே, மாணவர்களை, தி.மு.க.,வுக்கு எதிராக தூண்டி விட்டது பாலகிருஷ்ணன் தான் என, அக்கட்சியினர் கோபம் அடைந்தனர். இந்த விவகாரத்தைத் தொடர்ந்து, முதல்வர் கருத்துக்கு எதிரான கருத்துப் போல பாலகிருஷ்ணன், டி.வி.,க்கு அளித்த பேட்டியில் கூறியதும், அதை வைத்து, சட்டசபையில் கேள்வி எழுப்பி, இது தொடர்பாக விரிவாக விசாரித்து அறிக்கை அளிப்பர்; அதை சட்டசபையில் சமர்ப்பிப்பேன் என முதல்வர் சொல்லக்கூடிய நிர்ப்பந்தம் ஏற்பட்டு விட்டது. உரிய அதிகாரிகள் அனுமதியின்றி, காவல் துறை சீருடையில், பாலகிருஷ்ணன் பேட்டி அளித்தது, போலீஸ் அடிப்படை விதிகளுக்கு மாறான செயல் என்பதால், பாலகிருஷ்ணனுக்கு, நிர்வாக ரீதியில் கடும் சிக்கல் ஏற்படும் என தெரிகிறது. இவ்வாறு போலீஸ் வட்டாரங்கள் கூறின.

மெரினா கலவரம் குறித்து நீதி விசாரனை வேண்டும்: திருமாவளவன்

மெரினா கலவரம் குறித்து நீதி விசாரனை வேண்டும்: திருமாவளவன்

NEWS Unknown   Wednesday, February 01, 2017

மெரினா கலவரம் குறித்து நீதிபதி தலைமையில் விசாரணை நடத்த வேண்டும் என்று விடுதலை சிறுத்தைகள் கட்சி திருமாவளவன் வலியுறுத்தினார். VIDEO:

ஜல்லிக்கட்டுக்கு சிங்கப்பூரில் ஆதரவு

ஜல்லிக்கட்டுக்கு சிங்கப்பூரில் ஆதரவு

NEWS Unknown   Thursday, January 19, 2017

சிங்கப்பூர்: ஜல்லிக்கட்டு நடத்த அனுமதிக்க வேண்டும் என தமிழகம் முழுவதும் மாணவர்கள், இளைஞர்கள், என பல தரப்பினரும் போராட்டம் நடத்தி வருகின்றனர். இந்த போராட்டத்திற்கு ஆதரவாக உலகம் முழுவதும் வாழும் தமிழர்கள் போராட துவங்கியுள்ளனர்.

                                        

இந்நிலையில், சிங்கப்பூரிலும் ஜல்லிக்கட்டுக்கு ஆதரவாக கூட்டம் நடைபெற உள்ளது.
நாளை (20ம் தேதி) இரவு 7 மணிக்கு சீனா டவர் பகுதியில் உள்ள பேச்சாளர் சதுக்கத்தில், இந்த கூட்டம் நடைபெற உள்ளது. ஜல்லிக்கட்டு, தமிழக கலாசார நிகழ்வு. இதற்கு ஆதரவு தெரிவிக்கும் வகையில், ஆதரவு கூட்டம் நடைபெற உள்ளது. சிங்கப்பூரில் வசிப்பவர்கள் மற்றும் சிங்கப்பூரில் வசிக்கும் இதர நாட்டவர்கள் இந்த போராட்டத்தில் கலந்து கொள்ளலாம். போராட்டத்தில் பங்கேற்க வருபவர்கள் அடையாள அட்டை கொண்டு வர வேண்டும். தண்ணீர் மற்றும் சிற்றுண்டிக்கு ஏற்பாடு செய்யப்பட்டுள்ளது. இது ஆர்ப்பாட்டமோ, போராட்டமோ அல்ல. ஆதரவு தெரிவிக்கும் கூட்டம் மட்டுமே ஏற்பாடு செய்யப்பட்டுள்ளது என்ற தகவல்கள் வெளியாகியுள்ளது. 

ஜல்லிக்கட்டில் மத்திய அரசுக்கு அக்கறை: பொன்.ராதாகிருஷ்ணன்

ஜல்லிக்கட்டில் மத்திய அரசுக்கு அக்கறை: பொன்.ராதாகிருஷ்ணன்

NEWS Unknown   Thursday, January 19, 2017

புதுடில்லி: டில்லியில் முதல்வர் பன்னீர்செல்வத்தை சந்தித்த பிறகு மத்திய அமைச்சர் பொன்.ராதாகிருஷ்ணன் கூறுகையில், மரியாதை நிமித்தமாக முதல்வரை சந்தித்தேன். மீண்டும் தடை ஏற்படாத வகையில் ஜல்லிக்கட்டு நடத்த நடவடிக்கை எடுக்கப்பட்டு வருகிறது. ஜல்லிக்கட்டில் மத்திய அரசு உண்மையான அக்கறை செலுத்தி வருகிறது. ஜல்லிக்கட்டு தொடர்பாக பிரதமர் கூறியதை முதல்வர் என்னிடம் தெரிவித்தார். ஜல்லிக்கட்டு நடத்த முனைப்புடன் நடவடிக்கை எடுக்கப்பட்டு வருகிறது. சுற்றுச்சூழல் அமைச்சர் தாவேவை ஜல்லிக்கட்டு தொடர்பாக முறையிட உள்ளேன் எனக்கூறினார். 

ரயில் மீது ஏற வேண்டாம்: இளைஞர்களுக்கு அறிவுரை

ரயில் மீது ஏற வேண்டாம்: இளைஞர்களுக்கு அறிவுரை

NEWS Unknown   Thursday, January 19, 2017

சென்னை: ஜல்லிக்கட்டுக்கு ஆதரவாக போராடும் இளைஞர்கள் ரயில் மீது ஏறி போராட்டம் நடத்த வேண்டாம் என ரயில்வே போலீசார் கேட்டுக்கொண்டனர்.

                                         

காயம்:

ஜல்லிக்கட்டுக்காக தமிழகம் முழுவதும் போராட்டம் நடத்தி வருகின்றனர். இதில் மதுரை, சேலத்தில் ரயில் மறியல் போராட்டம் நடந்தது. சேலத்தில் ரயில் மீது ஏறிய வாலிபர் ஒருவர் மின்சாரம் தாக்கி காயமடைந்தார்.

அறிவுரை:

இந்நிலையில், போராட்டத்தில் ஈடுபட்டுள்ள இளைஞர்கள் ரயில் மீது ஏறி போராட்டம் நடத்த வேண்டாம் என ரயில்வே போலீசார் கேட்டுக்கொண்டுள்ளனர். மின்கம்பங்களில் 25 ஆயிரம் வோல்ட் மின்சாரம் செல்வதால், யாரும் ரயில் மீது ஏறி போராட்டம் நடத்த வேண்டாம் என கோரிக்கை விடுத்துள்ளனர்.

சென்னை போலீசாரும் இதேபோன்ற கோரிக்கை விடுத்துள்ளனர். மெரினாவில் போராட்டம் நடத்தும் இளைஞர்கள் போக்குவரத்துக்கு இடையூறு செய்யாமல் போராட்டம் நடத்துமாறு வேண்டுகோள் விடுத்துள்ளனர். 

போராட்டம் தொடரும்: இளைஞர்கள் உறுதி

போராட்டம் தொடரும்: இளைஞர்கள் உறுதி

NEWS Unknown   Thursday, January 19, 2017

சென்னை: மெரினாவில் ஜல்லிக்கட்டுக்கு ஆதரவாக நடக்கும் போராட்டம் தொடரும் என இளைஞர்கள் அறிவித்துள்ளனர்.

                                                 

ஜல்லிக்கட்டு நடத்தவும், பீட்டாவை தடை செய்யக்கோரியும் மெரினாவில் இளைஞர்கள் 3வது நாளாக போராட்டம் நடத்தி வருகின்றனர். இந்த போராட்டத்தில் அதிகளவில் மாணவர்கள் கலந்து கொண்டு வருகின்றனர். டில்லி சென்ற முதல்வர் பன்னீர்செல்வம், டில்லி சென்று பிரதமர் மோடியை சந்தித்து ஜல்லிக்கட்டுக்கு அவசர சட்டம் கொண்டு வர வேண்டும் என வலியுறுத்தினார். ஆனால், வழக்கு சுப்ரீம் கோர்ட்டில் உள்ளதால் தற்போது எதுவும் செய்ய இயலாது என தெரிவித்தார்.

இதனையடுத்து தங்களது போராட்டத்தை திரும்ப பெற முடியாது என மெரினாவில் போராட்டம் நடத்தும் வரும் இளைஞர்கள் தெரிவித்துள்ளனர். ஜல்லிக்கட்டுக்கு நிரந்தர தீர்வு ஏற்படும் வரை தங்களது போராட்டம் தொடரும் என தெரிவித்துள்ளனர். 

பேச்சுவார்த்தை தோல்வி:

போராட்டத்தில் ஈடுபட்டுள்ள இளைஞர்களுடன் சென்னை மாநகர போலீஸ் கமிஷனர் ஜார்ஜ் பேச்சுவார்த்தை நடத்தினர். விவேகானந்தர் இல்லத்தில் நடந்த இந்த பேச்சுவார்த்தையில் சுமுக உடன்பாடு ஏற்படவில்லை. இதனால் பேச்சுவார்த்தை தோல்வியில் முடிந்தது.

ரயிலை மறித்து இளைஞர்கள் போராட்டம்

ரயிலை மறித்து இளைஞர்கள் போராட்டம்

NEWS Unknown   Thursday, January 19, 2017

மதுரை: ஜல்லிக்கட்டை வலியுறுத்தி போராட்டம் நடத்தும் இளைஞர்கள் ரயிலை மறித்து போராட்டம் நடத்தினர்.

                                   

ஜல்லிக்கட்டுக்கு ஆதரவாக தமிழகம் முழுவதும் போராட்டம் நடத்தி வருகின்றனர். மாநிலம் முழுவதும் அமைதியாக போராட்டம் நடந்து வருகிறது.

இந்நிலையில், மதுரை ரயில் நிலையம் அருகே ரயில்வே மேம்பாலத்தில் கன்னியாகுமரி விரைவு ரயிலை மறித்து இளைஞர்களும் கல்லூரி மாணவர்களும் போராட்டம் நடத்தினர். இதனால், ரயில் பல மணி நேரம் நடுவழியில் நின்றது. மேலும் பல ரயில்களின் இயக்கத்தில் சிக்கல் ஏற்பட்டது. ஜல்லிக்கட்டு நடத்த அனுமதிக்கும் வரை தங்களின் போராட்டம் தொடரும் என போராட்டத்தில் ஈடுபட்டுள்ளவர்கள் தெரிவித்துள்ளனர்.

அவசர சட்டம்:

சேலத்திலும், பெங்களூரு விரைவு ரயிலை மறித்து போராட்டக்காரர்கள் போராட்டம் நடத்தினர். ஜல்லிக்கட்டு நடத்த அவசர சட்டம் பிறப்பிக்க வலியுறுத்தி இந்த ரயில் மறியல் போராட்டம் நடத்தினர். இந்த போராட்டத்தில் ஒரு இளைஞர் மீது மின்சாரம் பாய்ந்தது. இதில் அவர் ஆபத்தான நிலையில் மருத்துவமனையில் சிகிச்சை பெற்று வருகிறார்.

செங்கல்பட்டு ரயில் நிலையத்தில் சோழன் விரைவு ரயிலை மறித்து போராட்டம் நடத்தினர்.

தனியார் பள்ளிகளுக்கு நாளை விடுமுறை

தனியார் பள்ளிகளுக்கு நாளை விடுமுறை

NEWS Unknown   Thursday, January 19, 2017

சென்னை: ஜல்லிக்கட்டுக்கு ஆதரவாக தமிழகம் முழுவதும் இளைஞர்கள் போராட்டம் நடத்தி வருகின்றனர். மாணவர்களின் போராட்டத்திற்கு ஆதரவு அளிக்கும் வகையில்,

                                         
 நாளை சி.பி.எஸ்.இ., பிரைமரி, நர்சரி, மெட்ரிக் பள்ளிகள் இயங்காது எனன அப்பள்ளிகள் சங்க தலைவர் நந்தகுமார் தெரிவிததுள்ளார். பள்ளிகள் இயங்காதது குறித்து அரசு தரப்பில் அதிகாரப்பூர்வ தகவல் தெரிவிக்கப்படவில்லை. 
தமிழகத்தில் உள்ள தனியார் பள்ளிகளும் நாளை இயங்காது என பள்ளிகள் சங்கம் தெரிவித்துள்ளது. அச்சங்கத்தின் மாநில செயலாளர் இளங்கோவன் கூறுகையில், வாகன ஸ்டிரைக் காரணமாக மாணவர்கள் நலன் கருதி நாளை பள்ளிகள் இயங்காது என்றார்.

ஜல்லிக்கட்டுக்கு அவசர சட்டம்: முதல்வர் ஓ.பி.எஸ்., வலியுறுத்தல்

ஜல்லிக்கட்டுக்கு அவசர சட்டம்: முதல்வர் ஓ.பி.எஸ்., வலியுறுத்தல்

NEWS Unknown   Thursday, January 19, 2017

புதுடில்லி: டில்லி சென்ற முதல்வர் பன்னீர் செல்வம் பிரதமர் மோடியை சந்தித்தார். 
ஜல்லிக்கட்டுக்கு ஆதரவாக தமிழகம் முழுவதும் மாணவர்கள் போராட்டம் நடத்தி வருகின்றனர். மாணவர்கள் தாங்களாகவே முன்வந்து போராட்டம் நடத்துகின்றனர். 

                                       
3வது நாளாக இன்றும் போராட்டம் நடந்து வருகிறது. மாணவர்களின் எழுச்சி காரணமாக முதல்வர் பன்னீர்செல்வம் டில்லி சென்று பிரதமரை சந்தித்து வறட்சிக்கு நிவாரண நிதியை உடனடியாக வழங்க வேண்டும் எனவும், ஜல்லிக்கட்டு நடத்தும் வகையில் அவசர சட்டம் கொண்டு வர வேண்டும் என வலியுறுத்தினார். தொடர்ந்து அவர் நேற்று இரவு அவர் டில்லி கிளம்பி சென்றார். முதல்வருடன் தலைமை செயலாளர் கிரிஜா வைத்தியநாதன் மற்றும் தமிழக அரசின் முதன்மை செயலாளர் ஷீலா பாலகிருஷ்ணனும் உடன் சென்றனர்.

இரவு டில்லியில் உள்ள தமிழக அரசின் இல்லத்தில் தங்கியிருந்த முதல்வர் பன்னீர் செல்வம், லோக் கல்யாண் மார்க்கில் உள்ள வீட்டில் பிரதமர் மோடியை சந்தித்து பேசினார். அப்போது அவர் ஜல்லிக்கட்டுக்கு அவசர சட்டம் கொண்டு வர வேண்டும் என வலியுறுத்தினார். 

ஜல்லிக்கட்டு பாரத கலை - கலாச்சார விழா - மிருக வதை அல்ல: மகரிஷி பரஞ்சோதியார் உரை

ஜல்லிக்கட்டு பாரத கலை - கலாச்சார விழா - மிருக வதை அல்ல: மகரிஷி பரஞ்சோதியார் உரை

NEWS Unknown   Thursday, January 19, 2017

"ஜல்லிக்கட்டு பாரத கலை , கலாச்சாரத்தைப் பிரதிபலிக்கவும் ஒரு வீர விளையாட்டு . இது மிருக வதை அல்ல. இந்த வீர விளையாட்டு இளைஞர்களின் வீரத்தை வெளிப்படுத்தும் விழா. ஜல்லிக்கட்டில் பங்கேற்கும் காளைகள் நன்கு பராமரிக்கப்படுகின்றன . நல்ல திடகாத்திரத்திற்கு உரிய உணவு கொடுக்கப்பட்டு , சுகாதாரமான சூழ்நிலையில் வளர்க்கப்படுகின்றன .இது ஒரு நன்றி தெரிவிக்கும் நிகழ்வு . காளைகள் எந்த நிலையிலும் துன்புறுத்தப் படுவது இல்லை கழுதைகள் மீது சுமை ஏற்றப்படுகிறது . குதிரைகள் பாரம் சுமக்கின்றன . மாடுகளை வெட்டிக் கறி விற்க அனுமதிக்கப் படுகிறது . ஆனால் கனிவுடன் பராமரிக்கப்பட்டு துணிவுடன் விளையாடும் வீர விளையாட்டுக்கு எதிர்ப்புத் தெரிவிப்பதும் தடை விதைப்பதும் சரியல்ல . நீதி அரசர்கள் பரிவுடன் பரிசீலித்து நல்லதொரு தீர்ப்பை வழங்க வேண்டும் " என திருமூர்த்தி மலை உலக சமாதான அறக்கட்டளை நிறுவனர் மகரிஷி பரஞ்சோதியார் , பரஞ்சோதிநகரில் நடைபெற்ற பொங்கல் விழாவில் அருளாசி உரை வழங்கிப் பேசுகையில் குறிப்பிட்டார் . விழாவில் அறங்காவலர்கள் திருச்சி எம் . சுப்பிரமணியம் , பொன்னுசாமி , மலேசியா சிவகுரு , சிங்கப்பூர் மூத்த பத்திரிகையாளர் வே . புருஷோத்தமன் உள்ளிட்ட பலர் வாழ்த்துரை வழங்கினர். 
பொதுச் செயலர் கே . எஸ் . சுந்தரராமன் வரவேற்புரை ஆற்றினார் .முன்னதாக சிங்கப்பூர், மலேசியா , இந்தியா எனது தனித்த தனி பொங்கல் பானைகள் வைக்கப்பட்டு பொங்கல் வைக்கப்பட்டது . தளி பேரூராட்சித் தலைவி தொடக்கி வைத்தார் . முத்துகிருஷ்ணன் பூஜை செய்து தீபாராதனை காட்டினார் . ஆண்களும் பெண்களும் குலவை கூறி , பொங்கலோ பொங்கல் என்று முழங்கினார் .பின்னர் திருமூலர் அரங்கில் பொங்கல் சிறப்புக் கூட்டம் சிங்கப்பூர் வே. புருஷோத்தமன் தலைமையில் நடைபெற்றது . மெய்ஞ்ஞானாசிரியர் கிருஷ்ணன் வரவேற்புரை ஆற்றினார் மலேசியா சிவகுரு, சிங்கப்பூர் லட்சுமணதாஸ் , இயற்கை மருத்துவர் சேலம் அப்பன் , கவிஞர் வாழவாடி கிருஷ்ணசாமி முதலானோர் உரையாற்றினார் . பொதுச் செயலர் கே. எஸ் . சுந்தரராமன் நிறைவுரை ஆற்றினார். குரு கீதத்துடன் தொடங்கிய விழா நன்றி உரையுடன் நிறைவு பெற்றது 

சிவகங்கை :3000 மாணவர்கள் மறியல் போராட்டம்

சிவகங்கை :3000 மாணவர்கள் மறியல் போராட்டம்

NEWS Unknown   Thursday, January 19, 2017

சிவகங்கை : ஜல்லிக்கட்டுக்கு ஆதரவாக சிவகங்கை பஸ் ஸ்டாண்ட் அருகே ஆயிரக்கணக்கான மாணவர்கள் திரண்டு போராட்டம் நடத்தி வருகின்றனர். சிவகங்கை அரசு மகளிர் கல்லூரி மாணவிகள் 1500 பேர், ராஜா துரைசிங்கம் கலை கல்லூரி மாணவர்கள் 1500 பேர், ராஜா மேல்நிலைப் பள்ளி மாணவர்கள் 500 பேர் என சுமார் 3000 க்கும் மேற்பட்ட மாணவர்கள் திரண்டு போராட்டம் நடத்தி வருகின்றனர்.

சீருடையில் ஜல்லிக்கட்டுக்காக சீறிய எஸ்.ஐ.,

சீருடையில் ஜல்லிக்கட்டுக்காக சீறிய எஸ்.ஐ.,

NEWS Unknown   Thursday, January 19, 2017

சென்னை : மதுரையில் நடந்த ஜல்லிக்கட்டு ஆதரவு போராட்டத்தில் ஒரு போலீஸ் எஸ்.ஐ., சீருடையுடன் வந்து, தனது ஆதரவை தெரிவித்தார். இதனால் மாணவர்கள் உற்சாகமடைந்தனர். 

                                                     

ஜல்லிக்கட்டு நடத்த வலியுறுத்தி தமிழகம் முழுவதும் பல்வேறு போராட்டங்கள் நடந்து வருகிறது. மதுரையில் மாணவர்கள் தமுக்கம் மைதானத்தில் இரண்டாவது நாளாக இன்றும் போராட்டம் நடத்தி வருகின்றனர். 

இந்த நிலையில் இங்கு பணியில் இருந்த டிராபிக் எஸ்.ஐ., சேகர,ன் சீருடையுடன் போராட்டம் நடத்திய மாணவர்கள் மத்தியில் வந்தார். இந்த போராட்டத்திற்கு எனது ஆதரவை தெரிவிக்கிறேன் என அனைவரையும் பார்த்து கை கூப்பி வணங்கினார். 

மெய்சிலிர்க்க வைக்கிறது;

தொடர்ந்து அவர் பேசுகையில் ; இந்த போராட்டம் என்னை மெய்சிலிர்க்க வைக்கிறது. எனது பணியே போனாலும் , பரவாயில்லை . நான் உங்களோடு நிற்பேன் என்றார். 
மாணவர்கள் கரகோஷம் எழுப்பினர். தொடர்ந்து அவருக்கு நன்றி தெரிவித்தனர். மேலும் , அய்யா நீங்கள் சீருடை போட்டுள்ளீர்கள் . ஆதலால் நீங்கள் போராட வேண்டாம். உங்கள் சார்பில் உங்கள் குடும்பத்தை சேர்ந்த மகன், மகள்களை எங்கள் போராட்டத்தில் சேர வையுங்கள் என கூறி எஸ்.ஐ.,யை வழி அனுப்பி வைத்தனர். எஸ்.ஐ., அளித்த ஆதரவால் மாணவர்கள் மேலும் உற்சாகமடைந்தனர். 

மொபைல் போன் டவர் மீது ஏறி மாணவர்கள் போராட்டம்

மொபைல் போன் டவர் மீது ஏறி மாணவர்கள் போராட்டம்

NEWS Unknown   Thursday, January 19, 2017

மதுரை : மதுரை, எல்லீஸ்நகர் பகுதியில் மொபைல் போன் டவர் மீது ஏறி கல்லூரி மாணவர்கள், ஜல்லிக்கட்டுக்கு ஆதரவாக போராட்டம் நடத்தி வருகின்றனர். இதனால் அப்பகுதியில் பதற்றம் ஏற்பட்டுள்ளது.

                                              
எல்லீஸ்நகர் பகுதியில் உள்ள மொபைல் போன் டவர் மீது காலை, 6 மணியளவில் கல்லூரி மாணவர்கள், 6 பேர் ஏறினர். இவர்கள் தங்கள் நண்பர்களை தொலைப்பேசி மூலம் தொடர்பு கொண்டு, ‛ஜல்லிக்கட்டு நடத்த மத்திய, மாநில அரசுகள் ஒப்புதல் தெரிவிக்க வேண்டும். ஜல்லிக்கட்டு நடத்த உடனடியாக அவசர சட்டம் கொண்டு வர வேண்டும். பீட்டாவை தடை செய்ய வேண்டும். அதுவரை எங்களின் போராட்டம் தொடரும்' என தெரிவித்துள்ளனர்.
இந்த போராட்டம் குறித்த தகவல் பரவியதும், அப்பகுதியில் மாணவர்களுக்கு ஆதரவாக பலரும் திரண்டுள்ளனர். மொபைல் போன் டவரின் கீழ் அமர்ந்து மாணவர்களுக்கு ஆதரவாக பெண்கள், குழந்தைகள், இளைஞர்கள் பலரும் போராட்டம் நடத்தி வருகின்றனர். இதனால் இப்பகுதியில் போலீசாரும் குவிக்கப்பட்டுள்ளனர். போராட்டத்தை கைவிட்டு, கீழே இறங்கும் படி மாணவர்களுடன் போலீசார் பேச்சுவார்த்தை நடத்தி வருகின்றனர். இருப்பினும் மாணவர்கள் போராட்டத்தை தொடர்வதால் அங்கு பதற்றம் நிலவுகிறது.

ராணுவத்தினருக்கு தரமற்ற உணவா? : மத்திய அரசுக்கு ஐகோர்ட் 'நோட்டீஸ்'

ராணுவத்தினருக்கு தரமற்ற உணவா? : மத்திய அரசுக்கு ஐகோர்ட் 'நோட்டீஸ்'

NEWS Unknown   Thursday, January 19, 2017

புதுடில்லி: பி.எஸ்.எப்., எனப்படும், எல்லை பாதுகாப்பு படை வீரர்களுக்கு அளிக்கப்படும் உணவு குறித்த அறிக்கை கோரும் மனு தொடர்பாக, பதில் அளிக்கும்படி, மத்திய உள்துறை அமைச்சகத்திற்கு, டில்லி ஐகோர்ட் உத்தரவிட்டு உள்ளது.எல்லை பகுதிகளில், பாதுகாவல் பணிகளில் ஈடுபடும் எல்லை பாதுகாப்பு படை வீரர்களுக்கு, மிக மோசமான உணவு தரப்படுவதாகவும், பல நாட்கள் பசியுடன் துாங்கச் செல்வதாகவும், சில வீரர்கள் குற்றஞ்சாட்டி இருந்தனர். இந்த விவகாரம், சமூக வலைதளங்களில் காரசாரமாக விவாதிக்கப்பட்டது. இந்நிலையில், எல்லை பாதுகாப்பு படை வீரர்களுக்கு அளிக்கப்படும் உணவு குறித்த அறிக்கையை, மத்திய உள்துறை அமைச்சகம் வெளியிடும்படி உத்தரவிடக் கோரி, டில்லி ஐகோர்ட்டில், பொதுநல மனு தாக்கல் செய்யப்பட்டு உள்ளது. இந்த வழக்கு, டில்லி ஐகோர்ட் நீதிபதிகள், ஜி.ரோஹினி, சங்கீதா திங்ரா ஷெகல் ஆகியோர் அடங்கிய அமர்வு முன், நேற்று விசாரணைக்கு வந்தது. மனுவை பரிசீலித்த நீதிபதிகள், இது குறித்து பதிலளிக்கும்படி, மத்திய உள்துறை அமைச்சகத்திற்கு, 'நோட்டீஸ்' அனுப்ப உத்தரவிட்டனர். எல்லை பாதுகாப்பு படை, மத்திய ரிசர்வ் போலீஸ் படை, மத்திய தொழில் பாதுகாப்பு படை, இந்தோ - திபெத் எல்லை பாதுகாப்பு போலீஸ்,

அசாம் ரைபிள்ஸ் ஆகியவற்றுக்கும், 'நோட்டீஸ்' அனுப்ப, நீதிபதிகள் உத்தரவிட்டனர்.

போக்குவரத்து தொழிற்சங்கங்கள் நாளை ஸ்டிரைக்

போக்குவரத்து தொழிற்சங்கங்கள் நாளை ஸ்டிரைக்

NEWS Unknown   Thursday, January 19, 2017

சென்னை: ஜல்லிக்கட்டுக்கு ஆதரவாக போக்குவரத்து கழக தொழிற்சங்கங்கள் நாளை(20ம் தேதி) ஸ்டிரைக்கில் ஈடுபட போவதாக அறிவித்துள்ளன.

                                                  

ஜல்லிக்கட்டு நடத்தக்கோரி தமிழகம் முழுவதும் மாணவர்கள் போராட்டம் நடத்தி வருகின்றனர். போராட்டத்திற்கு பல தரப்பினரும் ஆதரவு அளித்து வருகின்றனர். இந்த சூழ்நிலையில், போக்குவரத்து கழக தொழிற்சங்கங்கள் நாளை ஸ்டிரைக்கில் ஈடுபடப்போவதாக அறிவித்துள்ளன. இதில், 10க்கும் மேற்பட்ட தொழிற்சங்கங்கள் கலந்து கொள்ளப்போவதாக அறிவித்துள்ளன. மாணவர்களின் போராட்டத்திற்கு ஆதரவாக நாளை கால்டாக்சி, ஆட்டோ, வேன் ஆகியவையும் இயங்காது எனவும் அறிவிக்கப்பட்டுள்ளது. இதனால், நாளை போக்குவரத்தில் சிக்கல் ஏற்படும் சூழல் ஏற்பட்டுள்ளது. கோவையில், மாணவர்கள் போராட்டத்திற்கு ஆதரவாக, நாளை லாரிகள் இயங்காது என கோவை மாவட்ட லாரிகள் சம்மேளனம் அறிவித்துள்ளது. இதனால், அத்யாவசிய பொருட்களுக்கு தட்டுப்பாடு ஏற்படும் அபாயம் ஏற்பட்டுள்ளது. தமிழகம் முழுவதும் 10 லட்சம் வாகனங்கள் இயங்காது என தெரிகிறது. 

கடையடைப்பு:

மாணவர்களின் போராட்டத்திற்கு ஆதரவாக கோவை, கும்பகோணம், திருப்பூர், காரைக்குடியில் முழு கடையடைப்பு போராட்டம் நடக்கும் என அறிவிக்கப்பட்டுள்ளது.

கோவை மாவட்ட குறுந்தொழில் சங்க தலைவர் கூறுகையில், ‛‛ஜல்லிக்கட்டுக்காக கோவையில் வரலாறு காணாத வகையில் மாணவர்கள் போராட்டம் நடத்தி வருகின்றனர். இந்த நேரத்தில் பிரதமர் மோடியின் அறிவிப்பு வேதனை அளிக்கிறது. மாணவர்களின் போராட்டத்திற்கு கோவை மாவட்ட குறுந்தொழில் சங்கம் ஆதரவு தெரிவித்துள்ளது,'' என்றார்.

ஜல்லிக்கட்டு வழக்குகள் இதுவரை...

ஜல்லிக்கட்டு வழக்குகள் இதுவரை...

NEWS Unknown   Thursday, January 19, 2017

சென்னை: கடந்த, 2006 முதல் தற்போது வரை 10 ஆண்டுகளாக ஜல்லிக்கட்டு தொடர்பான வழக்குகள் பல்வேறு நீதிமன்றங்களில் நடந்துள்ளன. அவற்றின் விவரம் வருமாறு:2016 மார்ச் 29: உயர்நீதிமன்ற மதுரை கிளை தான் முதன் முதலில் ஜல்லிக்கட்டுக்கு தடை விதித்தது. எல்.ஷாஜி செல்லான் என்ற வழக்கறிஞர், ராநாதபுரம் மாவட்டம், தானிகோட்டம் என்றஇடத்தில், ரேக்ளா ரேஸ் நடத்த அனுமதி கோரி உயர்நீதிமன்ற மதுரை கிளையில் மனு தாக்கல் செய்தார். இந்த மனுவை விசாரித்த நீதிபதி பானுமதி( தற்போது சுப்ரீம் கோர்ட் நீதிபதி),

விலங்குகள் துன்புறுத்தல் தடுப்பு சட்டத்தின் கீழ், ஜல்லிக்கட்டு, ரேக்ளா ரேஸ் உள்ளிட்ட விளையாட்டுகளுக்கு தடை விதித்தார்.                                         

தமிழக அரசு சட்டம்

2009 ஜூலை 21: ஜல்லிக்கட்டுக்காக, அப்போதைய தி.மு.க., அரசு தமிழ்நாடு ஜல்லிக்கட்டு ஒழுங்குமுறை சட்டத்தை கொண்டு வந்தது. இந்த சட்டத்தின்படி, ஜல்லிக்கட்டு நடத்த பல்வேறு நிபந்தனைகள் விதிக்கப்பட்டன. மாவட்ட கலெக்டரின், எழுத்துபூர்வமான அனுமதி பெற வேண்டும்; 

ஒரு ஆண்டில் ஜனவரி முதல் மே மாதம் வரை எப்போது வேண்டுமானாலும் இந்த போட்டியை நடத்த அனுமதி பெற வேண்டும். தொடர்ந்து ஐந்து ஆண்டுகளுக்கு நடத்த வேண்டும் உள்ளிட்ட பல நிபந்தனைகள் விதிக்கப்பட்டன.

2010 நவ.,27: தி.மு.க., அரசு கொண்டு வந்த சட்டத்தின் கீழ், சில விதிமுறைகளின்படி, ஜல்லிக்கட்டு நடத்த சுப்ரீம் கோர்ட் அனுமதி வழங்கியது. போட்டியில் பங்கேற்கும் காளைகளை,விலங்குகள் நல வாரியத்திடம் பதிவு செய்ய வேண்டும். போட்டி நடக்கும் இடங்களுக்கு வாரிய பிரதிநிதிகள் வந்து பார்வையிடுவார்கள் என சுப்ரீம் கோர்ட் கூறியது.

மத்திய அரசு தடை

2011 ஜூலை 11: காட்சிப்படுத்தப்படும் விலங்குகள் தடுப்பு பட்டியலில், காளைகளை மத்திய சுற்றுசூழல் மற்றும வனத்துறை அமைச்சகம் சேர்த்தது. இதனால், ஜல்லிக்கட்டு நடத்த முடியாத நிலை ஏற்பட்டது. 

2014 மே 7: தி.மு.க., அரசு கொண்டு வந்த ஜல்லக்கட்டு தொடர்பான சட்டத்தை சுப்ரீம் கோர்ட் ரத்து செய்தது. மேலும், விலங்குகள் துன்புறுத்தல் தடுப்பு சட்டத்தின் கீழ் காளைகளை கொண்டு வரும் வகையில் சட்டத்திருத்தம் கொண்டு வர வேண்டும் என மத்திய அரசுக்கு உத்தரவிட்டது. 

இத்துடன், ‛இதுபோன்ற போட்டிகளில் விலங்குகள் துன்புறுத்தப்படுவது உள்ளார்ந்த விஷயமாகவே உள்ளது. இதுபோன்ற போட்டிகளில் பங்கேற்கும் வகையில், காளைகளின் உடல்வாகு இல்லை. போட்டிகளில் காளைகள் பங்கேற்றால் துன்புறுத்தப்படும்' எனவும், சுப்ரீம் கோர்ட் கூறியது.

2016 ஜன.,7: காட்சிப்படுத்தப்படும் விலங்குகள் தடுப்பு பட்டியலில் இருந்து காளைகள் மற்றும் எருதுகளுக்கு விலக்கு அளித்து, ஒரு அறிவிப்பாணையை, மத்திய சுற்றுசூழல் மற்றும் வனத்துறை அமைச்சகம் வெளியிட்டது. இதன் மூலம், தமிழகத்தில் ஜல்லிக்கட்டும், மகாராஷ்டிரா, கர்நாடகா, குஜராத் மாநிலங்களில் எருது போட்டியும் நடத்த வாய்ப்பு உருவானது.

எனினும், மாவட்ட கலெக்டர் அனுமதி பெற வேண்டும் உள்ளிட்ட பல நிபந்தனைகள் விதிக்கப்பட்டன.

2016 ஜூலை 16: மத்திய சுற்றுசூழல் மற்றும் வனத்துறை அமைச்சகம் கொண்டு வந்த அறிவிப்பணையை சுப்ரீம் கோர்ட் தடை செய்தது. ஜல்லிக்கட்டு உள்ளிட்ட போட்டிகளை நடத்த மீண்டும் தடை விதித்தது.

ஜல்லிக்கட்டுக்கு அவசர சட்டம்: முதல்வர் ஓ.பி.எஸ்., வலியுறுத்தல்

ஜல்லிக்கட்டுக்கு அவசர சட்டம்: முதல்வர் ஓ.பி.எஸ்., வலியுறுத்தல்

NEWS Unknown   Thursday, January 19, 2017

புதுடில்லி: டில்லி சென்ற முதல்வர் பன்னீர் செல்வம் பிரதமர் மோடியை சந்தித்தார். 
ஜல்லிக்கட்டுக்கு ஆதரவாக தமிழகம் முழுவதும் மாணவர்கள் போராட்டம் நடத்தி வருகின்றனர். மாணவர்கள் தாங்களாகவே முன்வந்து போராட்டம் நடத்துகின்றனர். 


             
3வது நாளாக இன்றும் போராட்டம் நடந்து வருகிறது. மாணவர்களின் எழுச்சி காரணமாக முதல்வர் பன்னீர்செல்வம் டில்லி சென்று பிரதமரை சந்தித்து வறட்சிக்கு நிவாரண நிதியை உடனடியாக வழங்க வேண்டும் எனவும், ஜல்லிக்கட்டு நடத்தும் வகையில் அவசர சட்டம் கொண்டு வர வேண்டும் என வலியுறுத்தினார். தொடர்ந்து அவர் நேற்று இரவு அவர் டில்லி கிளம்பி சென்றார். முதல்வருடன் தலைமை செயலாளர் கிரிஜா வைத்தியநாதன் மற்றும் தமிழக அரசின் முதன்மை செயலாளர் ஷீலா பாலகிருஷ்ணனும் உடன் சென்றனர்.

இரவு டில்லியில் உள்ள தமிழக அரசின் இல்லத்தில் தங்கியிருந்த முதல்வர் பன்னீர் செல்வம், லோக் கல்யாண் மார்க்கில் உள்ள வீட்டில் பிரதமர் மோடியை சந்தித்து பேசினார். அப்போது அவர் ஜல்லிக்கட்டுக்கு அவசர சட்டம் கொண்டு வர வேண்டும் என வலியுறுத்தினார். 

ஜல்லிக்கட்டு வழக்கில் உடனடியாக தீர்ப்பு வழங்க முடியாது : சுப்ரீம் கோர்ட்

NEWS Unknown   Thursday, January 12, 2017

ஜல்லிக்கட்டு வழக்கில் உடனடியாக தீர்ப்பு வழங்க முடியாது : சுப்ரீம் கோர்ட்

புதுடில்லி : ஜல்லிக்கட்டு வழக்கில் உடனடியாக தீர்ப்பு வழங்க முடியாது என சுப்ரீம் கோர்ட் திட்டவட்டமாக தெரிவித்துள்ளது.

ஜல்லிக்கட்டு நடத்த அனுமதி கேட்டு தமிழகம் முழுவதும் போராட்டங்கள் வலுத்து வருவதால், ஜல்லிக்கட்டு தொடர்பாக வழக்கில் விரைவில் தீர்ப்பு வரும் என எதிர்பார்க்கப்பட்டது. இதனால் இந்த ஆண்டு ஜல்லிக்கட்டு போட்டிகள் நடக்கும் என்ற நம்பிக்கை எழுந்தது.

தீர்ப்பு எழுதப்பட்டு வருகிறது:

இந்நிலையில், ஜல்லிக்கட்டு தொடர்பாக வழக்கு விசாரணை சுப்ரீம் கோர்ட்டில் இன்று நடந்தது. அப்போது, ஜல்லிக்கட்டு வழக்கில் பொங்கலுக்குள் தீர்ப்பு வழங்கப்பட வேண்டும் என என தமிழக வழக்கறிஞர்கள் வலியுறுத்தினர். கோரிக்கையை நிராகரித்த சுப்ரீம் கோர்ட், உடனடியாக தீர்ப்பு வழங்க முடியாது. வழக்கின் தீர்ப்பு தற்போது எழுதப்பட்டு வருவதால் பொங்கலுக்கு முன் தீர்ப்பை வழங்க இயலாது என தெரிவித்தது. இதனால் இந்த ஆண்டும் ஜல்லிக்கட்டு போட்டிகள் நடப்பதில் முட்டுக்கட்டை ஏற்பட்டுள்ளது.

சவாலை ஏற்க தயாரா?: பொங்கலை விட பொங்கும் தமிழக அரசியல்வாதிகள்

NEWS Unknown   Thursday, January 12, 2017

சவாலை ஏற்க தயாரா?: பொங்கலை விட பொங்கும் தமிழக அரசியல்வாதிகள்

சென்னை: தமிழகத்தில் ஆண்டுக்கு ஒரு முறை சில சம்பிரதாய நிகழ்வுகள் நடந்தோறும். தற்போது அந்த பட்டியலில் ஜல்லிக்கட்டும் சேர்ந்து விட்டதா என்ற சந்தேகம் எழுந்துள்ளது.

மத்தியில் காங்., தலைமையிலான தி.மு.க., இடம் பெற்ற ஐ.மு.கூட்டணி அரசால் தான் ஜல்லிக்கட்டு நடத்த முடியாமல் போனது என்பது நிதர்சனமான உண்மை. அப்போதைய மத்திய சுற்றுசூழல் அமைச்சர் ஜெய்ராம் ரமேஷ், காளைகளை காட்சி விலங்குகள் பட்டியலில் சேர்த்தது தான் இவ்வளவு பிரச்னைக்கும் காரணம். இதன் பிறகு தான் சுப்ரீம் கோர்ட், பிரச்னைக்குள் புகுந்து ஜல்லிக்கட்டுக்கு தடை விதித்து விட்டது. இப்பிரச்னை தீர, காட்சி விலங்குகள் பட்டியலில் இருந்து காளைகளை நீக்க வேண்டும். இதற்கு பார்லிமென்ட்டில் சட்டத் திருத்தம் கொண்டு வர வேண்டும்.

அவசர சட்டம் :

கடந்த ஆண்டு ஜனவரி மாதம் இப்போது போலவே ஜல்லிக்கட்டு நடக்குமா, நடக்காதா என்ற பிரச்னை காணப்பட்டது. தமிழக அரசியல் கட்சி தலைவர்கள் கடுமையாக பொங்கினர். அப்போதைய முதல்வர் ஜெயலலிதா கடிதம் மேல் கடிதம் எழுதினார். தி.மு.க., தலைவர் கருணாநிதி அவசர சட்டம் வேண்டும் என கோரினார்.

ஆனால், மோடி தலைமையிலான மத்திய அரசு, காட்சி விலங்குகள் பட்டியலில் இருந்து விலக்கு அளித்து ஒரு அரசாணையை கொண்டு வந்து நிலைமையை சமாளிக்க பார்த்தது. அதை சுப்ரீம் கோர்ட் எளிதாக தள்ளுபடி செய்து, ஜல்லிக்கட்டை நடத்த விடாமல் பார்த்து கொண்டது. அதன் பிறகு ஒரு ஆண்டு கடந்து விட்டது. சென்னை மழை வெள்ளம் பாதிப்பு, முதல்வர் ஜெயலலிதா மரணம், தி.மு.க., தலைவர் கருணாநிதி உடல் நலம் பாதிப்பு, தி.மு.க., செயல் தலைவராக ஸ்டாலின் நியமனம், வர்தா' புயல் பாதிப்பு, முதல்வராக பன்னீர்செல்வம் பொறுப்பேற்பு, அ.தி.மு.க., பொதுச் செயலாளராக சசிகலா பொறுப்பேற்பு என ஏராளமான சம்பவங்கள் நடந்து விட்டன.

மீண்டும் அரங்கேற்றம்:

இந்த சம்பவங்கள் நடந்த போதெல்லாம் ஜல்லிக்கட்டு பற்றி ஒரு வார்த்தை கூட பேசவில்லை. ஆனால், 2016 டிசம்பர் முதல் மீண்டும் ஜல்லிக்கட்டு பிரச்னை வெடிக்க தொடங்கி விட்டது. பல்வேறு அரசியல் கட்சி தலைவர்களின் காரசார அறிக்கைகள்; தனியார் டிவி' சேனல்களில் பல மணி விவாதங்கள், மத்திய அரசுக்கு அழுத்தம் தர வேண்டும் என்று கோபாவேச பேச்சுகள்... என கடந்த ஆண்டு நடந்த அனைத்து சம்பவங்களும் மீண்டும் நடந்தேறி வருகின்றன. ஆனால், பலன் தான் இல்லை. ஜல்லிக்கட்டு தொடர்பான வழக்கில், பொங்கல் பண்டிகைக்கு முன் தீர்ப்பு வழங்க முடியாது; இப்போது தான் தீர்ப்பு எழுதி வருகிறோம்' என, சுப்ரீம் கோர்ட் நீதிபதிகள் இன்று(ஜ.,12) தெளிவாக கூறி விட்டனர். எனவே, இந்த ஆண்டும் ஜல்லிக்கட்டு கிடையாது என்பது தெளிவாகி விட்டது.

கொந்தளித்த அரசியல் கட்சி தலைவர்கள் எல்லாம், பொங்கல் பண்டிகைக்கு பிறகு, காணாமல்' போய் விடுவர்; ஜல்லிக்கட்டை அனைவரும் மறந்து விடுவார்கள். இதே போன்ற மாநிலம் தழுவிய ஒரு பிரச்னை என்றால், கேரளா மற்றும் கர்நாடக மாநிலங்களில், கட்சி தலைவர்கள் ஜாதி, மத, கட்சி பேதம் இன்றி ஒன்று சேர்ந்து மத்திய அரசுக்கு தொடர் நெருக்கடி கொடுத்து காரியத்தை சாதித்து விடுவார்கள். ஆனால், தமிழகத்தில்...

ஒற்றுமை் இல்லை:

தனித்தனியாக போராட்டம்; தனித்தனியாக பேட்டிகள், அறிக்கைகள்; மதுரையை மையப்படுத்தி தனித்தனியாக போராட்டங்கள் என, தமிழக கட்சி தலைவர்களின் சம்பிரதாய நிகழ்வுகள், இப்போதும் செம்மையாக நடந்தேறி வருகின்றன. இந்த விஷயத்தில், சத்தம் போட்டு பேசி எந்த பலனும் இல்லை. ஜாதி, மத, கட்சி பேதம் இன்றி அனைவரும் ஒன்று சேர்ந்து, ஒரே குரலில், ஒரே எண்ணத்தில் பேசவும் வேண்டும்; செயலாற்றவும் வேண்டும். இந்த சவாலுக்கு தமிழக அரசியல் கட்சி தலைவர்கள் தயாரா... இல்லை, இந்த ஆண்டும் மக்களை ஏமாற்ற தான் போகிறார்களா?

மருந்து சீட்டுகளை கைகளால் எழுத டாக்டர்களுக்கு தடை

NEWS Unknown   Thursday, January 12, 2017

மருந்து சீட்டுகளை கைகளால் எழுத டாக்டர்களுக்கு தடை

தாகா : வங்கதேசத்தில், டாக்டர்கள் மருந்து சீட்டுகளில் தங்கள் கைகளால் எழுதக்கூடாது. மருந்து விவரங்களை டைப் அடித்து கொடுக்க வேண்டும் என்று அந்நாட்டு நீதிமன்றம் உத்தரவிட்டுள்ளது.

பல டாக்டர்கள் மருந்து சீட்டுகளில் எழுதி கொடுக்கும் மருந்துகளின் பெயர்கள் என்னவென்றே தெரியாத அளவிற்கு அவர்களின் கையெழுத்து உள்ளது. இதனால் மருந்து கடைக்காரர்களுக்கும் மருந்துகளின் பெயர்களை கண்டுபிடிப்பதில் சிரமம் ஏற்பட்டு வருகிறது. இதனை எதிர்த்து வங்கதேச கோர்ட்டில் பொதுநல வழக்கு தொடரப்பட்டது. இந்த வழக்கை விசாரித்த நீதிபதி, ‛இனி டாக்டர்கள் மருந்து சீட்டுகளில் தங்கள் கைகளால் எழுதக்கூடாது. மருந்து விவரங்களை டைப் அடித்து கொடுக்க வேண்டும்.அதையும் மீறி எழுத வேண்டிய கட்டாயம் இருந்தால் மருந்து விவரங்களை ஆங்கிலத்தில் பெரிய எழுத்துகளாக எழுத வேண்டும்' என்று உத்தரவிட்டார்.

மேலும் சுகாதார துறையினர் இதை கண்காணித்து 3 மாதத்துக்குள் முழுமையாக நடைமுறைப்படுத்த வேண்டும் என்றும் நீதிபதி உத்தரவிட்டுள்ளார்.